Wag kang Kucorrupt!!!

Para maipagpatuloy nag isang bansa para mabuhay ay binigyan ito ng kapangyarihan magbuwis. Kasali ito sa tatlong “inherent power of the state”, ang “police power”, “eminent domain” (kapangyarihan ng bansa na kunin ang isang pribadong pag-aari upang gamitin para sa kapakanan ng publiko, at “power of taxation” na siyang nagsisilbing “lifeline” ng isang bansa. Kinakailangan ito upang makagawa ng mga proyekto at maipagpatuloy ang mga programa na sinasabing makakatulong sa ating mga mamamayan.

Pagnalikum na lahat ang buwis, ay ito ay ibinabudget para sa edukasyon, kalusugan, militar, turismo, kalikasan, proyekto, perang kailangan ng mga local na pamahalaan at iba pa. Kung iisipin, maganda naman ang sistemang sinusunod ng ating bansa, parang makikita naman natin kung saan mapupunta ang buwis na ating ibinabayad. Uunlad naman tayo, dahil sa laki ng buwis na nakokolekta ng gobyerno ay maari nang matulungan mapadali ang pamumuhay ng mga mamayan. Solid n asana, ngunit my magic pala dito, at dahil diyan ay wag kang kukurap.

Kung tingin natin noon na lahat ng perang nalikom ng gobyerno ay nagagamit para sa kapakanan ng bayan, ayy dyan ho tayo nagkakamali, dahil sa bawat opisina g gobyerno ay maraming salamangkero. Mapapikit o lumingon ka lang ng konti  ay marami ng kababalaghan ang nangyayari. Sa katunayan, halos sobra kalahati lang sa buwis na nalikom ang tunay na nagagamit ng gobyerno para sa kapakanan ng mga mamayan. Yung bahaging kalahati, andun sa mga salamangkero at iba’t iba pang malilikot ang kamay.

Ang sana pagpapayos ng mga infrastraktura, mga gusali, pagawa ng mga classrooms, o mga pabahay ay napupunta sa pagpapa-ayos ng kanilang mga bahay, pagpapalawak ng kanilang drive-way, pagbili ng maraming mansion, ang perang ating pinaghirapan ibayad sa buwis ay nandun siyang bumubuhay at nagpapayaman sa mga salamangkerong naka-upo sa kanikanilang mga trono.

Ewan ko ba kung di sila nakokonsensya o sadyang maiitim na talaga ang kanilang budhi, di ba nila nakikita ang maraming street children na walang makain habang sila ay maraming nakakain? Siguro ay pinapatay na lang nila ang konsensya. Di na rin nakakapagtataka na marami ang gustong makakuha ng mataas na posisyon sa ating pamahalaan, dahil ito ang sagot sa kahirpan. Tama naman db ba? Ilan na rin ang nakita nating medyo wala at nanalo at di nagtaga ay may kotse na kasabay ng mga naglalakihang body guard. For protection daw dahil importanteng tao na siya, eh ang totoo kami naman ang nangangailangan ng proteksyon laban sa inyo.

Sa ganitong pamamahala, labis na kurapsyon, na kahit maganda ang adhikain ng ilang nakupo at n glider natin ay wala paring magbabago dahil karamihan pa rin ay ang makukulit ang kamay. Sa dinami dami ng local na pamahalaan sa Pinas eh makakayang bang bantayan ang bawat isa na hindi mancorrupt? Hindi eh, kahit anong gawin magagawan pa rin nila ito ng paraan. Sa pagpapa-ayos palang ng mga kalsada, sigurado na ilang milyon ang nawawala sa kaban ng bayan. Kahit na kitang kita na ito ng mga mamamayan, wala namang nagagawa, magsumbong sa mas nakakataas, wala namang nangyayari, ibinabaon lang ng bulok nating sistema. Kung magsumbong ka eh ikaw naman ang nagiging masama sa paningin ng iba, ang malala pa ay bibigyan ka ng threat ng iyong isinumbong upang ikaw ay manahimik.

Makakayanan pa ba n gating bansa pukasain ang kurapsyon? Na kahit yung mga naatasang puksain ito ay  ginagawa rin ang pangungurakot na ito? May magagawa pa ba tayo? Ang problema ay dahil sa madalas at palagi na lang itong ginagawa ng mga taong yun, sa tingin ng tao ay normal nalang ito at hindi masyadong binibigyan ng pansin. Di na daw kagulat gulat kaya pabayaan nalang natin.  Pero kung sabagay, eh ano naman kung mag-react ka? May magbabago ba?

Kung di na natin mababago ang nakaraang henrasyon ay sana naman, ditto sa ating mga kabataan na susunod na mamumuno ay ibahin na natin ang sistema. Lahat tayo ay hangad makita ang Pilipinas na umunlad at mangyayari ito sa magandang pamamahala at maayos na paggamit ng buwis. Tam na ang kurapsyon, tama na ang pagiging makasarili. Sa huli buong bayan ang nadadale. Maging masusi tayo, magkaisa sa paglaban nito, itanong ang dapat itanong, tingnan kung saan may mali.

Kaya mga kababayan, wag kang kucorrupt!!!