Bawal Umihi Dito

Bakit  ba ang karamihan sa Pinoy mahirap sumunod sa mag batas, sa mga simpleng ordinansa na ginagawa na para naman sa ikabubuti ng mga mamayan. Isa sa pinakamatinding sakit na yata ng mga Pinoy ang pagiging batugan at di pagsunod sa mga alituntunin. Kulang sa disiplina.

Madalas nating sisihin ang pamahalaan sa hindi natin pag-unlad, sa patuloy na pagbagsak ng ating pamumuhay, dahil sa magulong pamamahala, kurapsyon, at walang hanggang “dirty politics”. Ngunit naisip din ba natin na may pagkukulang tayo? Kadalasan sa atin hindi, dahil ang nasa isip nating ang gobyerno ang magbibigay ng daan  para sa kaunlaran. Tama naman tayo diyan, pero hindi naman pwede na gobyerno lang lahat ang kikilos, dapat kahit papano ay tayo rin.

Mga pare at mare, mayroon tayong malaking pagkukulang at yon ang disiplina. Kulang na kulang tayo diyan, kung sa paglabag lang ng mga batas ay number one tayo. Bakit ba? Dahil sa masarap ang bawal?

Nakakalungkot mang isipin pero karamihan sa mga Pinoy ay walang “sense of discipline”. Isa sa mga klasikong halimbawa diyan ay ang katagang bawal umihi dito. Eh ang laki laki na nga ng sign eh doon pa umiihi. Bakit nga ba kung saan may karatulang nakalagay na bawal umihi ay doon pa umiihi ang mga lalake.

Yung bawal magtapon ng basura pero makikita mo ang daming nagkalat tapos yung trash can nasa gilid lang at walang laman..

No Smoking, pero sa tabi mga naninigarilyo at di mawawala si Mang Yosi, ang taga benta nito kasama ang makukulay na Maxx. =)

Bawal Tumawid, pero ayan tapos pag bumusina ang jeep, siya pa ang galit.

Hindi naman ata mahirap  sundin ang Traffic Lights pero andyan pa rin ang hindi makapaghintay, tatawid at tatwid kahit pula. Kung masagasaan, sisisihin ang lahat, kawawa pa ung Manong Tsuper na nakasagasa, sumusunod na nga siya sa Traffic Signals, siya pa ang may kasalanan dahil sa isang tanga.

Simpleng mga instruction di makasunod, sa mga library kahit keep silent ang ingay nang mga studyante. Kahit nakasulat na “Please Turn Off Your Cellphone While Inside The Bank”, wala pa rin. Yung wear your I.D. properly di masunod sunod yung ibang batas pa kaya?

Dahil sa kawalan din ng disiplina ng karamihan sa atin at aaminin kung kasali rin ako dun, nagiging dahilan din eto sa hindi pag-angat ng bansa. Kung makikita mo sa mga bansang strict disciplinarian, malinis at maganda ang kanilang sistema, kung bawal tumawid ay bawal talaga. Sa Singapore ay kung dumura ka kahit saan ay may fine ka kaagad. Ang hindi pagsunod sa mga alituntunin ay may katapat na parusa at kanila itong ginagawa with strict implementation. Di tulad ditto, maganda lang ang mga batas sa simula, pag-tumatagal inaanay na rin.

Siguro kelangan na yata natin ng mga karatulang tulad ng nasa taas para naman kahit papano ay mag-alinlangan.

Sinasabi ng marami na demokrasya tayoat hindi puwede ang mga “rigid laws” na iyan, pero di ba natin nakikita na marami ang hindi sumusunod sa mhga panukala ng gobyerno dahil hindi naman ito ini-implement ng mabuti, kung mahuli ay sasabihin lang na din a uulitin o magbibigay na lang ng lagay.

Sa mahal kong mga kababayan, maaring ang kasagutan ng lahat sa problemang dinadanas ng ating bansa ay nasa disiplina lamang. Kung masisimulan nating disiplinahin an gating mga sarili, siguro, ewan ko, after how many years, ay maging mas maayos ang ating bansa.

Sana hindi tayo puro “AKO”, sana isipin din nating kung magiging paano “TAYO”.

PS: ang mga imahe na ginamit ko ay hindi sa akin at inupload ku lang sa google. =)))