Si Lito Lapid, isa sa pinakasikat at
matagumpay na action star sa ating bansa, nahalal bilang gobernador ng Pamapanga at ngayon ay
isa ng senador. Ngunit sa kanyang pag-upo sa senado ay tila maraming batikos ang naririnig natin galing sa iba't ibang kritiko.. Hindi raw siya nagsasalita, parang walang ginagawa, at laging
naka-upo lang. Tuwing debate ng mga senador ay isa lang siya sa mga tumatahimik
at hindi sumasali sa pakikipagtalastasan.
Yan mismo ang palaging ibinabanat sa kanya
ng kanyang mga kalaban at kritiko. Hindi nagsasalita si Leon Guerrero. Ang dahilan naman niya ay pinagtatawanan lang daw siya pag siya ay nagsasalita. Nakakahiya daw
dahil nahihirapan siyang iparating ang kanyang gustong sabihin sa kaba. Kung
iisipin natin ay halos siyam na taon nang senador si Lito Lapid at sa haba
naman ng panahon ay hindi pa rin niya nagawang mag-aral kung paano
makakapagsalita sa madla. Dating siyang artista kaya kulang sa pinag-aralan kaya
nahihirapan siya? Dahil di siya nakapagtapos ng kolehiyo? May ilang mga naging senador naman na hindi rin nakapagtapos ng kolehiyo. Pwede naman niyang
tagalugin ang kanyang mga speeches tulad ng ginagawa ni Pnoy. Mas maganda nga
iyon at madaling maintindihan ng kanyang mga taga pakinig. Ano ba ang kinakatakot ng ating dakilang movie
star?
Ngunit kahit naman ganyan si Lito Lapid ay
marami naman siya nagagawa at naipasang
mga panukala na naging batas na nakatulong sa bayan. Sa katunayan bago paman
naging Presidente si Pnoy ay nakagawa na
si Lito Lapid nang isang batas habang sa panahon na yun na senador pa si
Pnoy ay kulelat pa. Isa si Lito Lapid sa may pinakamaraming naiipasang panukala
na nagiging batas at isa na dito ang paborito ko na
naglilimita sa bigat ng gamit na dadalhin ng mga bata sa paaralan dahil
nagreresulta ito sa pagbigat ng kanilang bag at pagdating nila sa paaralan ay
pagod na pagod na sila at nauubusan ng interes para makinig sa guro.
Napakaganda naman talaga ng batas na ito.
Naalala ko nung grade one ako ay ilang libro ang kailangang dalhin sa paaralan at
ang bigat bigat ng bag. Nakakatawa rin ano? Nung bata ka ang dami mong dala
pagpapasok, sa highschool ay ilang libro na lang ang dinadala mo, at siyempre
pag-abot mo ng kolehiyo ay ballpen na lang ang dala mo. Kung kailan sanay na
sana magdala ang iyong katawan ng mga libro ay doon pa wala ka ng libro.
Marami ang magsasabi na hindi naman gawa
in Lapid ang mga batas na iyan at gawa ng kanyang mga adviser. Wala talaga siya
ginagawa at hindi naman nararapat sa senado. Ma kaibigan, mahirap gumawa ng mga
batas at kailangan mo rin ng tulong ng ilan upang magawa ito. Sabihin man natin
na gawa ito ng kanyang mga assistant, eh ano ngayon? Ang mahalaga naman di ba
ay nakakagawa ka ng batas na makakatulong sa bayan? Kanya kanyang diskarte din
yan. Minsan kung sino pa yung siyang tumatahimik ay marami ng nagagawa kaysa sa
malalakas ang mga bunganga.
PS: Some images are from google.Ilang impormasyon ay kinuha ko sa WOTL:WE LOVE LAPID. Ito po ang link ng video.
No comments:
Post a Comment